Buru Osasunaren aldeko jazz, blues eta rock kontzertuak antolatu ditu Agifesek

Data: ekainak 29, larunbata.
Lekua: Doka aretoa. Escolta Real kalea, 20. DONOSTIA
Ordua: 20:30
Taldeak:

  • Nia Moore King and The Bluebirds
  • Arrakatanga

Sarrera: 7 euro

Buru gaixotasuna duten pertsonekiko elkartasuna adierazteko eta buru osasuna zaintzeko beharraz ohartarazteko musika jaialdia ospatuko du Agifesek datorren ekainaren 29an Donostiako Doka aretoan. Nia Moore King and The Bluebirds eta Arrakatanga taldeek kontzertu bana eskainiko dute, 20:30etik aurrera.

Nia Moore King bakarlariak The Bluebirds bandarekin abestuko du. Nortasun eta sentsualitatez beteriko ahotsa daukan abeslariak, eta jazz, blues zein soul estiloko kantak eskainiko ditu.

Ondoren, gorputza astintzeko parada izango da Arrakatanga taldearen rock errepertorioarekin. Euren ukitu pertsonala emango diete talde ospetsu ugariren kanta esanguratsuenetako batzuei. Led Zeppelín, Deep Purple, The Who, ZZ Top, Eric Clapton, Los Rodríguez, Chuck Berry, Black Crowes, Poison eta Green Day bezalako taldeen bertsioak eskainiko dituzte.

Imajinatu Buru Osasuna guztion eskura kanpainaren barne dago ekimen hau. Kanpainaren helburua da Buru Osasuna zaintzearekiko kontzientzia hedatzea, “geure bizi-kalitatea hobetu ahal izateko”, eta buru gaixotasuna duten pertsonen irudi soziala normalizatzea. Elkarteak jakinarazi nahi du “Buru Osasuna erronka kolektiboa dela eta guztiok horren alde egin dezakegula eguneroko pauso eta keinu txikiekin”.

Buru gaixotasuna duten pertsonei eta senideei laguntzeko ekintzak burutzeko erabiliko da sarrerekin lortzen den dirua.

Gehitu iruzkin berria

Plain text

  • No HTML tags allowed.
  • Web gune eta posta helbideak lotura bezala agertuko dira automatikoki.
  • Lineak eta paragrafoak automatikoki egiten dira.
CAPTCHA
This question is for testing whether or not you are a human visitor and to prevent automated spam submissions.
Image CAPTCHA
Enter the characters shown in the image.