Omenaldiak

Atal honetan, bizitzari ukitu berezia ematen dioten pertsonei egindako omenaldiak jasoko ditugu. Agian bere izaera duzu gustuko, edo bizitza ikusteko duen modua, bere gaitasunak, zurekin edo inguruko pertsonekin erlazionatzeko modua, edo buru osasunarekin duen konpromisoa

Jesus Mari
2017/08/10

Nire amari omenaldi hau, gaixotasunak, iluntasunak eta sufrimenduak iraun duen urte guzti hauetan bere laguntza ezinbestekoa izan baita. Eskerrik asko ama, zure maitasunak erakutsi dit nire bidea ez dela iluna, baizik koloretsua eta zentzuz betea.

Ana
2017/07/12
10 urtez Alzheimerra bizi izan zuen amari omenaldia egin nahi diot. Pilarri, munduko ama onenari. Agifesi ere eskerrak eman nahi dizkiot, jasotzen dugun laguntzarengatik. Nire omenaldia ere zuentzako da, buruko gaixotasunen arloan luzatzen diguzuen laguntza eskertzeko. 
 
Eskerrik asko Agifes!
 

 

Ángela
2017/08/31
Eskerrik asko Ainara, eskerrik asko Ibone eta eskerrik asko María eguneroko irribarreengatik. 
 
Agifeseko lankideok, pertsona eta profesional onak zarete elkarteko zerbitzu ezberdinetan lan egiten eta lan egin izan duzutenok. 
 
Egunero gauza berriak ikasten ditugu hainbeste sufritzen duten pertsonei laguntza emateko. Euren ahaleginei eta adoreari esker altxatzen dira egunero, egunsentia ikusi eta egun berriari aurre egiteko. Guztia posible dela erakusten digute. 
 
Cristina
2017/08/10
 
Nire ilobei omenaldi txiki bat egin nahi diet: Aintzaneri eta, batez ere, Olatzi, gaixo egon naizenean beti egon direlako nirekin eta laguntzeko prest. 
 
Olatz beti egon da adi. Telefonoz deitzen zidan eta, negarrez nengoela nabaritzen zuenean nahiz eta nik katarroa nuela esan, nire ahizpari esaten zion berehala nire etxera etorri zedin niri laguntzera. 
 
Ainhoa
2017/07/12
Nataliari, nire lagun handiari, omenaldia egin nahi diot. Gaur egun, nire lagunik onena da, eta nitaz gehien arduratzen den pertsona. Horregatik, omenaldi txikia egin nahi diot.
 

Orriak